Перад намі стаяла задача сфармаваць аснову камунікацыі аўтацэнтра, дзе можна набыць аўтамабілі з прабегам. Асабліва важна, каб брэнд размаўляў з кліентам на яго мове: з разуменнем, павагай і яснасцю.

Мы заклалі ў назву простую, але вельмі моцную ідэю — Prapanova гучыць як натуральны працяг размовы з кліентам. Гэта слова стварае ўражанне шчырай парады ад чалавека, якому давяраеш. Гэта не прадукт, навязаны кліенту, а запрашэнне зрабіць выбар свядома, спакойна і ўпэўнена.

Слова «прапанова» мае добры эмацыйны рэгістр: яно мяккае, зразумелае, і пры гэтым гучыць з павагай. У ім няма агрэсіі, але ёсць актыўнасць. Яно лёгка транслітэруецца, добра выглядае як візуальны элемент і гучыць міжнародна, захоўваючы нацыянальную ідэнтычнасць.

Назва стала базай для распрацоўкі слогана «Аўто нанова», які падкрэслівае галоўную эмоцыю кліента: радасць ад абнаўлення і пачуццё руху наперад. Мы працягнулі раскрываць ідэю і ў камунікацыйнай сістэме брэнда. Кожная фраза працуе на ўмацаванне даверу і эмацыйнай сувязі: «Ёсць патрэба — ёсць Prapanova», «Хай сэрца кіруе», «Павага. Падтрымка. Прапанова». Гэтыя пасланні сталі часткай жывой мовы Prapanova — чалавечнай, цёплай і натхняльнай. Мовы, якая супакойвае, калі кліент прыходзіць з трывогай, і натхняе, калі ён гатовы зрабіць крок наперад.